වවුනියාව යුද හමුදා කඳවුරේ නිරෝධායනය වූ තවත් පිරිසක් පිටව යති

වවුනියාව, පම්පමඩුව යුද  හමුදා කඳවුරේ ස්ථාපිත නිරෝධායන මධ්‍යස්ථානය තුළ සාර්ථකව නිරෝධායන කටයුතු අවසන් කරන ලද පුද්ගලයින් 129 දෙනෙකු අද (13) එම මධ්‍යස්ථානයෙන් පිටත් වූ බවට වන්නි ආරක්ෂක සේනා මූලස්ථානය පවසයි.

මෙලෙස නිරෝධායන කටයුතු අවසන් කර පිටව ගොස් ඇත්තේ කොළඹ , අවිස්සාවේල්ල, තණමල්විල ඇතුලු ප්‍රදේශයේ පදිංචි පුද්ගලයින් 129  දෙනෙකු වන අතර ඔවුන් පසුගිය දිනයන්හි එම ප්‍රදේශයන්හි වාර්තා වූ කොරෝනා  ආසාදිතයින් සමග සබඳතා පැවත්වූ පුද්ගලයින් බවටද යුද හමුදාව ප්‍රකාශ කර සිටියේය.

වන්නි ආරක්ෂක සේනා ආඥාපති මේජර් ජෙනරල් රෝහිත ධර්මසිරි මහතාගේ අධීක්ෂණය යටතේ පැවැත්වු නිරෝධායනය අවසන් කළ පිරිස් වෙත නිරෝධායන සහතික ලබාදීමේ වැඩසටහනකින් අනතුරුව අදාළ කණ්ඩායම නිවෙස් වෙතට යුද හමුදා බස් රථ මගින් පිටත් කෙරිණ.

වැඩසටහන් අවස්ථාවට වන්නි ආරක්ෂක සේනා මූලස්ථානයේ ජ්‍යෙෂ්ඨ  යුද හමුදා නිලධාරීන් පිරිසක්ද එක්ව සිටියහ.