ලක්ෂයක මත්කුඩු සමග තිදෙනෙක් ගල්කිස්සේදි අත්අඩංගුවට

ගල්කිස්ස පොලිස් වසමේ ප්‍රදේශ තුනක දී සිදුකළ වැටලීම් වලින් රුපියල් ලක්ෂයකට ආසන්න හෙරෝයින් මත්කුඩු සමඟ පුද්ගලයන් තිදෙනෙක් අත්අඩංගුවට ගත් බව ගල්කිස්ස පොලිසිය කියයි.

එම සැකකරුවන් සමග මත්කුඩු ග්‍රෑම් 7කට අධික ප්‍රමාණයක් පොලිස් බාරයට ගෙන ඇත.

ගල්කිස්ස දන්දෙණිය ,සොයිසාපුර හා රත්මලාන ප්‍රදේශවලින් මෙම සැකකරුවන් තිදෙනා අත්අඩංගුවට  ගත් බව පොලිසිය කියයි.

වයස අවුරුදු 30 සහ 39 අතර පසුවන සැකකරුවන් කටුබැද්ද සොයිසාපුර හා රත්මලාන පදිංචිකරුවන්ය.

සැකකරුවන් ගල්කිස්ස මහේස්ත්‍රාත් අධිකරණය ඉදිරිපත් කිරීමට නියමිතය.

ගල්කිස්ස කොට්ඨාස භාර ජ්‍යෙෂ්ඨ පොලිස් අධිකාරී රොහාන් ප්‍රේමරත්න පොලිස් අධිකාරී සමන්ත වෙදගේ  මහත්වරුන්ගේ උපදෙස් මත පරීක්ෂණ පැවැත්වේ.