ලක්ෂ 20ක මත්කුඩු සමඟ දෙදෙනෙකු අත්අඩංගුවට

රුපියල් ලක්ෂ 20ක් පමණ වටිනා හෙරොයින් තොගයක් සමග කාන්තාවක් සහ තවත් පුද්ගලයෙකු මොරගහහේන තලගල ප‍්‍රදේශයේදී අත්අඩංගුවට ගෙන තිබෙනවා.

ඔවුන් සතුව තිබි හෙරොයින් ග‍්‍රෑම් 110 ක් සොයාගත් බවයි පොලිසිය සදහන් කළේ.

සැකකාරිය සහ සැකකරු කොළඹ 07 වෝඞ් පෙදෙසේ පදිංචිකරුවන් බව ද පොලිසිය සඳහන් කරයි.

මේ අතර, කේරළ ගංජා කිලෝග‍්‍රෑම් 33 යි ග‍්‍රෑම් 65 ක් සමග පුද්ගලයින් සිවුදෙනෙකු කුරුන්දන්කුලම සහ තාලෙඅඩි ප‍්‍රදේශවලදී අත්අඩංගුවට ගෙන තිබෙනවා.

කේරළ ගංජා කිලෝග‍්‍රෑම් 22 යි ග‍්‍රෑම් 300 ක් සමග සැකකරුවන් දෙදෙනෙකු සහ සැකකාරියක් අත්අඩංගුවට ගෙන තිබුණේ මිහින්තලය, කුරුන්දන්කුලම ප‍්‍රදේශයේදීයි.

අනුරාධපුර කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමකට ලද තොරතුරකට අනුව එම වැටලීම සිදු කර තිබුණා.