රුසියාව තුර්කියට සිදුකරන ගුවන් ගමන් සීමා කරලා

දෙරට අතර දේශපාලන ආතතීන් මධ්‍යයේ තුර්කියේ කොවිඩ්-19 ආසාදිතයන් වැඩිවීම හේතු කරගෙන රුසියාව අප්‍රේල් 15දා සිට ජුනි 1දා දක්වා තුර්කියට සහ ඉන් පිටත ගුවන් ගමන් සීමා කර තිබේ.

සංචාරක ව්‍යාපාරයෙන් ලැබෙන ආදායම මත දැඩි ලෙස විශ්වාසය තබා ඇති තුර්කියට පියාසර කරන ගුවන් ගමන් වාර විශාල වශයෙන් මෙසේ කප්පාදු කිරීමේ තීරණය රුසියාවේ නියෝජ්‍ය අගමැති ටැටියානා ගොලිකෝවා විසින් ප්‍රකාශයට පත්කර ඇත.

තුර්කියට ගුවන් ගමන් සීමා කිරීමට ගත් තීරණය දේශපාලන තීරණයක් ලෙස සඳහන් නොකළ රුසියාව, ඒ වෙනුවට තුර්කියේ කොවිඩ්-19 ආසාදිතයන්ගේ ඉහළ යාම මුල සිටම නිරීක්ෂණය කරමින් මෙම තීරණය ගත් බව කියයි.