මහින්දගේ අතුරු සම්මත ගිණුමට කැබිනට් අනුමැතිය

2019 වසරේ පළමු කාර්තුව සඳහා වන අතුරු සම්මත ගිණුම මුදල් අමාත්‍ය මහින්ද රාජපක්ෂ මහතා විසින් අද පැවැති කැබිනට් රැස්වීමට ඉදිරිපත් කර තිබේ. ඒ සඳහා කැබිනට් අනුමැතිය හිමිවූ බව සම කැබිනට් ප්‍රකාශක අමාත්‍ය මහින්ද සමරසිංහ මහතා සඳහන් කළේය.

ලබන වසරේ ජනවාරි 01 දා සිට මාර්තු 31 දා දක්වා මෙම අතුරු සම්මත ගිණුම ක්‍රියාත්මක කිරීමට රජය අපේක්ෂා කරයි. මේ වන තෙක් රජය ගෙන යෑමට හෝ ණය ගෙවීමට රජයට ගැටලුවක් නොමැති බවත් මහින්ද සමරසිංහ මහතා ප්‍රකාශ කරයි.

මේ පිළිබඳව අදහස් දැක්වූ අමාත්‍ය විමල් වීරවංශ මහතා සඳහන් කළේ ශ්‍රේෂ්ඨාධිකරණයේ තීන්දුව අනුව එය පාර්ලිමේන්තුවට ඉදිරිපත් කරන බවයි.

“අතුරු සම්මත ගිණුම අද මහින්ද රාජපක්ෂ මහතා පාර්ලිමේන්තුවට ඉදිරිපත් කළා. එය 07 දා අධිකරණ තීන්දුවෙන් පස්සේ පාර්ලිමේන්තුවට ඉදිරිපත් කරනවා. ඒ අනුව බහුතරය බලාගන්න පුළුවන් වෙයි.” යැයි විමල් වීරවංශ මහතා සඳහන් කළේය.