මෙරට නිශ්පාදිත ගිනි අවි දෙකක් සමග තරුණයන් 2ක් අත්අඩංගුවට

මෙරට නිෂ්පාදිත ගිනි අවි 02ක් සමග සැකකරුවන් දෙදෙනෙකු අත්අඩංගුවට ගැනීමට රත්ගම විශේෂ කාර්ය බළකා කඳවුරේ නිලධාරීන් සමත්ව තිබේ.

එම කඳවුරට ලැබුණ තොරතුරක් අනුව අද (23දා) පෙරවරුවේ මෙම අත්අඩංගුවට ගැනීම සිදුකර තිබේ.

බෝර 12 උණ්ඩ යෙදිය හැකි ගල්කටස් වර්ගයේ ගිනි අවි දෙකක් හා බෝර 12 උණ්ඩ 4ක් සමග මෙම සැකකරුවන් අත්අඩංගුවට ගෙන තිබේ.

අත්අඩංගුවට ගෙන ඇති සැකකරුවන් වන්නේ අවුරුදු 23ක් වන දමිත් රුක්ෂාන් හා අවුරුදු 16ක් වන මිනුර කවීන් නැමැති තිරාණගම, හික්කඩුප පදිංචි දෙදෙනෙකි.