මත්කුඩු ජාවාරම්කරුවෙක් ලක්ෂ හතරක මත්කුඩු සමග අත්අඩංගුවට

වැලිකඩ බන්ධනාගාරය සිර දඬුවම් විඳින රැඳවියෙකු ට දුරකථන ඇමතුම් දී හෙරොයින් මත්කුඩු ගෙන්වාගෙන  ජාවාරමේ යෙදෙන පුද්ගලයෙකු රුපියල් ලක්ෂ හතරකට ආසන්න වටිනා හොරෙයින්  මත්කුඩු සමග මහරගම  පතිරගොඩ ප්‍රදේශයේදී අත්අඩංගුවට ගත් බව බස්නාහිර පළාත දකුණ දිසා අපරාධ කොට්ඨාසය කියයි

එම සැකකරු සමඟ මත්කුඩු ග්‍රෑම් විසිහතක් පොලිස් භාරයට ගෙන ඇත

මීට මාස කීපයකට පෙර සංවිධානාත්මක අපරාධ කොට්ඨාසය මගින් හොරෙයින්  මත්කුඩු සමග අත්අඩංගුවට ගෙන මහාධිකරණයෙන් ඇප ලබා සිටින පුද්ගලයකු නැවතත් මත්කුඩු ජාවාරම සිදු කරන බවට උප පොලිස් පරීක්ෂක මෙන්ඩිස් මහතාට ලද තොරතුරක් අනුව වැටලීම සිදු කරනු ලැබුවේ බස්නාහිර පළාත දකුණ දිසා අපරාධ කොට්ඨාසයේ දූෂණ මර්දන ඒකකය විසිනි

බඩෝවිට කසුන් නැමැති රැඳවියාට  දුරකථන ඇමතුමක් දී මත්කුඩු ඇනයුම්  කිරීමෙන් අනතුරුව ඔහුගේ සහෝදරයෙක් විසින් මත් කුඩු මහරගම  ඇතුළු අවට ප්‍රදේශවල   රැගෙන එන බව සැකකරුගෙන් ප්‍රශ්න  කිරීමේ දී හෙළි වූ බව  පොලිස් නිලධාරීයෙක් පැවසීය

වයස අවුරුදු හතළිහක් වන සැකකරු මහරගම පතිරගොඩ වෙල පාර පදිංචිකරුවෙකි

බිමල් ශ්‍යාමන් ජයසිංහ