බුරවි නිසා අවධානමට ලක්විය හැකි ජනතාව ආරක්ෂිත ස්ථානවලට
“බුරවි” සුළි කුණාටු‍වෙන් අවධානමකට ලක්විය හැකි ප්‍රදේශ වල ජනතාව ආරක්ෂිත ස්ථාන කරා යොමු කරවීම පිළිබද සොයාබැලීම සඳහා නැගෙනහිර පළාත් ආණ්ඩුකාර අනුරාධා යහම්පත් මහත්මිය අද (02දා) පෙරවරුවේ ත්‍රිකුණාමලය උතුරු වෙරළ ආශ්‍රිතව ජිවත් වන වැසියන්ගේ ගම්මාන කිපයක සංචාරය කළාය.
ඒ අනුව ආණ්ඩුකාරවරිය ත්‍රිකුණාමලය උතුර වෙරළ පාර, සිරිමාපුර සහ තිරුක්කඩලූර් යන ගම්මාන වල මෙම නිරික්ෂණය සිදු කළාය.
එම ප්‍රදේශ වල ජිවත් වන වැසියන් සුළිකුණාටුවෙන් සිදු වීමට ඉඩ ඇති විපත් වලින් කල්වේලා ඇතිව මුදවාගෙන ආරක්ෂිත ස්ථාන කරා යොමු කරවීම මෙම නිරික්ෂණ චාරිකාවේ අරමුණ විය.
මහවැසි නොතකමින් ආණ්ඩුකාරවරිය එම ජනතාවගේ නිවාස වලට ගොස් පස්වරුව වන විට සූදානම් කර ඇති ආරක්ෂිත ස්ථාන කරා යන්නැයි දැනුවත් කළාය.
මෙම සුළිකුණාටුවෙන් යම් ආපදාවක් සිදු වුවහොත් එම ජනතාවට සහන සැලසීම සදහා අවශ්‍ය මුදල් ප්‍රතිපාදන වෙන් කර ඇති බවද ආණ්ඩුකාරවරිය මෙහිදි කීවාය.
මුදුදුබඩ ප්‍රදේශයේ ජිවත් වන එම ජනතාවට අවශ්‍ය පහසුකම් නිරන්තරයෙන් සොයා බලන ලෙසද ආණ්ඩුකාරවරිව දිස්ත්‍රික් ලේකම්වරු මගින් අදාළ ප්‍රාදේශිය ලේකම් වරුන්ට උපදෙස් දුන්නාය.
popular news
-
බණ්ඩාර Wednesday, 02 December 2020 04:43 PM
මේ දේ කිරීමට ආන්ඩුකාරතුමිය අදාළ තැන වලට යාම අත්‍යවශ්‍ය නෑ. අදාළ නිලධාරීන් ලවා කරවීමයි කලයුත්තේ. නිලධාරීන් හරියට වැඩ නොකලොත් දඬුවම් දීම ආණ්ඩුකාර තුමිය විසින් කල යුතුය.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
