පාර්ලිමේන්තුවේ නවක මන්ත්‍රීන්ට ඉලෙක්ට්‍රෝනික ක්‍රමයට ඡන්දය දීමේ පෙරහුරුවක්
පාර්ලිමේන්තුවට තේරී පත්ව සිටින නවක මන්ත්‍රීවරුන්ට සභා ගර්භයේදී ඉලෙක්ට්‍රොනික ක්‍රමය ඔස්සේ ඡන්දය පාවිච්චි කළ යුතු ආකාරය පිළිබඳව පෙරහුරුවක් ඊයේ (25) රාත්‍රී පාර්ලිමේන්තුවේදී සිදුවිය.
නව වැනි පාර්ලිමේන්තුවට අභිනවයෙන් තේරීපත්වූ මන්ත්‍රීවරුන්ට පිළිවෙත් හඳුන්වාදීම සඳහා පාර්ලිමේන්තුවේදී පැවති වැඩමුළුවේ පළමු දිනය අවසානයේදී මෙම පෙරහුරුව සිදුවිය.
ඉතා වෙහෙසකර දිනයක අවසානයේදී වුවද ඊයේ රාත්‍රී 7.00ට පමණ පාර්ලිමේන්තුවේ මහලේකම් ධම්මික දසනායක මහතා සහ කාර්ය මණ්ඩල ප්‍රධානී සහ නියෝජ්‍ය මහලේකම් නීල් ඉද්දවල මහතාගේ මූලිකත්වයෙන් පැවති මෙම පෙරහුරුවට නවක මන්ත්‍රීවරු ඉතා උනන්දුවකින් සහභාගී වූහ.
තම ඇඟිලි සටහන තබා ඉන්පසු විදුලි බොත්තමින් ඡන්දය පාවිච්චි කිරිම සිදු කල යුතු ආකාරය මෙන්ම යම් අත්වැරැද්දකින් වැරදි බොත්තමක් සළකුණු කළහොත් එය නිවැරදි කර ගැනීමට ඇති හැකියාව පිළිබඳවද මෙහිදී මන්ත්‍රීවරුන්ට අවබෝධයක් ලබා දෙන ලදී.
ඉන්පසු මන්ත්‍රීවරු ප්‍රායෝගිකව ඡන්දය ලබා දෙමින් පෙරහුරුවකද නිරත වූහ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
