ප්‍රා.සභා මන්ත්‍රීවරයෙක් හෙරෝයින් සමඟ අත්අඩංගුවට

ඉපලෝගම ප්‍රාදේශීය සභාවේ මන්ත්‍රීවරයකු ඇතුළු තවත් දෙදෙනෙකු හෙරොයින් සමග අත්අඩංගුවට ගෙන තිබේ.

හෙරොයින් ග්‍රෑම් 3යි මිලිග්‍රෑම් 65කට ආසන්න ප්‍රමාණයක් සමග ඊයේ (25) සවස ඉපලෝගම පොලීසිය හා යුදහමුදා බුද්ධි අංශ එක්ව සිදුකළ වැටලීමක දී අත්අඩංගුවට ගෙන තිබේ.

වයස අවුරුදු 26,28,32 වයස්වල පසුවන මොවුන් ඉපලෝගම,සේනපුර සහ මහමීගස්වැව පදිංචිකරුවන් පිරිසක් බව පොලීසිය පවසයි.

ඉන් එක් අයෙක් ඉපලෝගම ප්‍රාදේශීය සභාවේ පොදුජන පෙරමුණු පක්ෂයේ මන්ත්‍රීවරයෙක් බව පොලීසිය සඳහන් කළේය.

සැකකරුවන් අද (26) කැකිරාව දිසා මහෙස්ත්‍රාත් අධිකරණයට ඉදිරිපත් කිරීමට නියමිතය.