පයාගල මුහුදු තීරයෙන් රුපියල් කෝටියකට අධික කොකේන් පාර්සලයක්

පයාගල දළුවත්ත ග්‍රිස්බන් පෙදෙස  මුහුදු තීරයට ගොඩ ගසා තිබූ රුපියල් කෝටියට ආසන්න කොකේන් අඩංගු පාර්සලයක් (22) අලුයම සොයා ගත් බව පයාගල පොලිසිය කියයි

කොකේන් කිලෝ 1 කට අධික ප්‍රමාණයක් එහි තිබූ බව පොලිස් නිලධාරීයෙක් පැවසීය .

බස්නාහිර පළාත භාර ජේෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත ප්‍රදේශයේ ආරක්ෂාව තර කරමින් යොදා තිබූ බස්නාහිර  පළාත් බුද්ධි නිලධාරීන්ට ලද තොරතුරක් අනුව මෙම මත්ද්‍රව්‍ය තොගය සොයා ගත් බව පොලිසිය කියයි

කොකේන් තොගය ඉටි බෑගයක දමා එය අරාබි අකුරු සහිත ,තල් ගසක් ආකාරයකින්ම ඡායාරූපයක් හා මුද්‍රාවක් සහිත  2020 යනුවෙන් සඳහන් රෙදි  බෑග් එකකට  ජලය කාන්දු නොවන ලෙස තවත්  ඉටි බෑග් එකක දමා තිබූ බව පයාගල පොලිස් ස්ථානාධිපති ප්‍රධාන පොලිස් පරීක්ෂක ඩබ්ලිව් ගුණතිලක මහතා පැවසීය    .

මත්ද්‍රව්‍ය ජාවාරම්කරුවන් මම කොකේන් සහිත පාර්සලය  මුහුදට දමා කිසියම් පුද්ගලයෙකුට ලබා ගැනීම සඳහා සැලසුම් කර ඇති බවට සැකකරන බව පොලිසිය කියයි .