නීතිවිරෝධිව සෝමාවති රක්ෂිතයේ දැව කපා සඟවා තිබියදි අත්අඩංගුවට

නිතිවිරෝධි ලෙස සොමාවතිය ජාතික උද්‍යානයේ වටිනා දැව කපා මැදිරිගිරිය බිසෝබංඩාරගම නව ගම්මානය අසන්නයේ දහම් වැව ප‍්‍රදේශයේ සගවා තිබියදි (3) දින පස්වරුවේ ලද තොරතුරකට අනුව මහවැලි ඩි කලාපයේ  ආරක්ෂක නිලධාරින් විසින් දැව තොගය අත්අඩංගුවට ගත්බව එම කාර්යාලය පවසයි.

මෙසේ නිතිවිරෝධි ලෙස  ප‍්‍රවාහනය සදහා සුදානම් කර දහම්වැව ප‍්‍රදේශයේ කැළැවේ සගවා තිබෙන බවට මහවැලි ඩි කලාපයේ නේවාසික කළමනාකාර  ප‍්‍රසන්න ජයතිලක මහතාට ලද තොරතුරක් අනුව එතුමාගේ උපදෙස් පරිදි එහි ආරක්ෂක නිලධාරින් යොදවා  පරික්ෂාවට ලක් කිරිමේදි  එම ස්ථානයේ සිටි සැකකරුවන් පළා ගිය බව පැවසීය. මෙම දැව බුරුත කුඹුක් සහ පළු ශාකවලින් ඉරන ලද ලී බව තහවුරු කර ගෙන ඇත. අත්අඩංගුවට ගත් ලි තොගයේ වටිනාකම රුපියල් ලක්ෂ හයකට අසන්න බව කියයි.

හිගුරක්ගොඩ - ඩබ්.ඒ පියතිලක