ජනාධිපතිවරණයට පොලීසියේ 60175ක් රාජකාරියේ

ජනාධිපතිවරණ රාජකාරී හා ඊට අදාළ සමාන්‍ය රාජකාරී සඳහා පොලිස් නිලධාරීන් හැටදහස් එකසිය හැත්තෑ පහක් යොදවන බව පොලිස් මූලස්ථානය සඳහන් කරයි.

මෙහිදී ඡන්ද පොළ රාජකාරී කටයුතු සඳහා පමණක් පොලිස් නිලධාරීන් විසිපන්දහස් හත්සිය දොළහක් යෙදවීමට කටයුතු කරන බවත්, මීට අමතරව සිවිල් ආරක්ෂක බළකා නිලධාරීන් යෙදවීමට කටයුතු කරන බවත් පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී රුවන් ගුණසේකර මහතා සඳහන් කළේය. මීට අමතරව පොලිස් ජංගම සංචාර හා මාර්ග බාධක යෙදවීම තුළින්ද ආරක්ෂාව ලබාදෙන බව හෙතෙම කියා සිටියේය.