චීනයේ චැන්ග්-5 යානය චන්ද්‍ර කක්ෂයට සාර්ථකව ළඟාවෙයි

චීනයේ චැන්ග් -5 චන්ද්‍ර ගවේෂණ යානය සාර්ථක ලෙස චන්ද්‍ර කක්ෂයට ඇතුළු වූ බව චීන ජාතික අභ්‍යවකාශ පරිපාලනයේ චන්ද්‍ර ගවේෂණ හා අභ්‍යවකාශ වැඩසටහන් මධ්‍යස්ථානය නිවේදනය කරයි.

පරිපාලනය නිවේදනයක් නිකුත් කරමින් එම මධ්‍යස්ථානය කියා සිටියේ බීජිං වේලාවෙන් ඊයේ (28දා) රාත්‍රී 8:58 ට අභ්‍යවකාශ යානයේ නිව්ටන් 3,000ක එන්ජිමක් සක්‍රිය කර මිනිත්තු 17ක පමණ ක්‍රියාවලියකින් පසුව යානය සඳේ සිට කිලෝමීටර් 400ක පමණ දුරකින් කක්ෂගත වූ බවය.

ඕනෑම චන්ද්‍ර මෙහෙයුමකදී ප්‍රධාන කක්ෂීය පාලන පියවරක් වන තිරිංග මෙහෙයුම මගින් අභ්‍යවකාශ යානයේ වේගය අඩු කිරීම සිදුකරන්නේ යානය අහඹු පියාසැරියක් වළක්වා සඳෙහි ගුරුත්වාකර්ෂණ ක්ෂේත්‍රය මගින් අල්ලා ගැනීමට වග බලා ගැනීම සඳහාය.

ඒ අනුව චන්ද්‍රයා දෙසට දින හතරක් පියාසර කිරීමෙන් පසුව, පරීක්ෂණ යානය සාර්ථකව අභ්‍යවකාශ තිරිංග යොදමින්, ඉලිප්සාකාර චන්ද්‍ර කක්ෂයකට මෙසේ සාර්ථකව ඇතුළු වී තිබේ.