චීනය උගන්ඩාවට කොවිඩ් පරීක්ෂණ කට්ටල ලබාදෙයි

වෛරසයට එරෙහි රටේ ප්‍රයත්නයන් ඉහළ නැංවීම සඳහා චීනය උගන්ඩාවට කොවිඩ්-19 පරීක්ෂණ කට්ටල පරිත්‍යාග කර තිබේ.

මෙම පරිත්‍යාගය උගන්ඩාවේ චීන තානාපති ෂෙන් ෂුකියැං විසින් උගන්ඩාවේ සෞඛ්‍ය අමාත්‍ය වන ජේන් රූත් ඇසෙන්ග් වෙත ලබාදී ඇත.

චීනය නැගෙනහිර අප්‍රිකානු රටට ලබා දුන් එවැනි සිව්වැනි අවස්ථාව මෙයයි. තම රටේ සෞඛ්‍ය ක්‍ෂේත්‍රයට අඛණ්ඩව සහයෝගය දැක්වීම ගැන සහ දැනට ක්‍රියාත්මක කොවිඩ්-19 ප්‍රතිචාරයට එරට සෞඛ්‍ය අමාත්‍යවරිය චීනයට ස්තූතිවන්ත වී තිබේ.

උගන්ඩාවේ කොවිඩ්-19 ආසාදිතයන් 41,237ක් වාර්තා වී ඇති අතර මරණ 338ක් වාර්තා වී තිබේ.