කොවිඩ් ප්‍රතිචාරයම ගෝලීය අසාර්ථකත්වයන් මාලාවක් - WHO කමිටුවක් කියයි

කොවිඩ්-19 ප්‍රතිචාරය යනු ගෝලීය අසාර්ථකත්ව මාලාවක් බව ලෝක සෞඛ්‍ය සංවිධානය විසින් ස්ථාපිත වසංගත සූදානම සහ ප්‍රතිචාර සඳහා වූ ස්වාධීන කමිටුවක් පවසයි.

කොරෝනා වෛරසයෙන් වසරකට ආසන්න කාලයක් බැට කමින් සිටින ලෝක ප්‍රජාව හමුවේ, ඔවුන් පෙන්වා දෙන්නේ ලෝකයක් ලෙස සාමූහික ධාරිතාවයෙන් අප අසමත්ව ඇති බවයි.

වසර ගණනාවක අනතුරු ඇඟවීම් නොතකා ලොව පුරා රජයන් සහ මහජන සෞඛ්‍ය සංවිධාන කොරෝනා වෛරසයට සෙමින් හා අකාර්යක්ෂම ලෙස ප්‍රතිචාර දැක්වූ අයුරු මෙම ස්වාධීන කමිටුව විසින් මෙම අතුරු වාර්තාව හරහා කරුණු ඉදිරිපත් කර ඇත.

ඉදිරි ප්‍රතිසංස්කරණ සඳහා වූ මුල් සැලැස්මක් ලෙස මෙම අතුරු වාර්තාව මගින්, මිලියන දෙකකට අධික ජනතාවකට මේ වනවිටත් දිවි අහිමි වූ වසංගතය වෙනුවෙන් ඉන්ධන සැපයීමට හේතු වූ ලෝක සෞඛ්‍ය සංවිධානයේම වැරදිසහගත උපකල්පන, අකාර්යක්ෂම සැලසුම් කිරීම සහ මන්දගාමී ප්‍රතිචාර විස්තර කර ඇති බවද කියයි.

"මානව සුරක්‍ෂිතතාවයේ ආරක්ෂිත දැලක් නිර්මාණය කිරීම සඳහා සහයෝගයෙන් කටයුතු කිරීම සඳහා වූ අපගේ සාමූහික හැකියාවෙන් අප අසමත් වී තිබෙනවා" යැයි වසංගත සූදානම සහ ප්‍රතිචාර සඳහා වූ ස්වාධීන කමිටුව ලියයි.

ආරක්ෂක උපකරණ ලබා ගැනීමට හෝ පුළුල් ලෙස සම්බන්ධතා සොයා ගැනීමට රජයන්ට ඇති නොහැකියාව වැනි බොහෝ වැරදි වසංගත කාලය තුළ වේදනාකාරී ලෙස පැහැදිලි වී ඇති බවද පවසන මෙම කමිටුව ජනතාව ආරක්ෂා කිරීම හා මෙහෙයවීම සම්බන්ධයෙන් වගකිව යුතු අයද එය කිරීමට අසමත්ව ඇති බව පැහැදිලි යැයි කියයි.

නවසීලන්තයේ හිටපු අගමැති හෙලන් ක්ලාක් සහ ලයිබීරියාවේ හිටපු ජනාධිපති එලන් ජොන්සන් සර්ලීෆ්ගේ නායකත්වයෙන් යුත් කමිටුව තවමත් එහි පරීක්ෂණ පවත්වයි. එහෙත්, අතුරු වාර්තාවක් කෙටුම්පත් කිරීමේදී සහ එහි විමර්ශනයේ විෂය පථය සැකසීමේදී මෙම කමිටුව පැහැදිලි කරන්නේ, වසංගතයක් පැතිර යෑම් සඳහා වන ප්‍රවේශයන් හිදී ලෝකය නැවත අවධානයෙන් යුතුව කටයුතු කළ යුතු බවයි.