කොවිඩ් ජයගත් රටවල 2021 සැමරුම් ජයටම පැවැත්වෙයි

- 1 01 2021 - 07:34 - {{hitsCtrl.values.hits}} views - නරේන් විශ්වජීත්

2021 නව වසර උදාව වෙනුවෙන් 2020.12.31 මධ්‍යම රාත්‍රිය ලෝකයේ කොවිඩ්-19 වංසගතය ජයගත් රටවල පෙර පරිදිම ජයටම පැවති බව විදෙස් වාර්තා පවසයි.

විශේෂයෙන් චීනයේ වූහාන් නගරයේ, නවසීලන්තයේ ඕක්ලන්ඩ් නගරයේ, තායිවානයේ තායිපේ, වියට්නාමයේ හැනෝයි නුවර ආදී වශයෙන් 2021 සැමරුම් අති උත්කර්ෂවත් ආකාරයකින් පවත්වා තිබේ.

නවසීලන්තයේ ඕක්ලන්ඩ් නුවර වීදි ජනතාවගෙන් පිරී ඉතිරී ගොස් ඇති අතර, වූහාන් නගරයේද අතුරු සිදුරු නැතිව සැමරුම් සඳහා ජනතා සහභාගීත්වයක් දැකිය හැකි වී තිබේ.

එමෙන්ම ඔස්ට්‍රේලියාවේ මෙල්බර්න් හා සිඩ්නි යන නගරවල යම් යම් සීමා යටතේ වුවද මෙවර සැමරුම් සඳහා තරමක ජන සහභාගීත්වයක් පැවතී ඇති අතර, චීනයේ ෂැංහයි නගරයේද ඒ ආකාරයෙන්ම සිදුව ඇත.

කෙසේ වෙතත් එක්සත් ජනපදයේ නිව්යෝක් නගරය, එක්සත් රාජධානියේ ලන්ඩනය, ප්‍රංශයේ පැරීසිය, ජර්මනියේ බර්ලීනය ආදී ඇමෙරිකානු හා යුරෝපා රාජ්‍යයන් රැසක් මෙවර නව අවුරුදු සැමරුම් කොවිඩ් වසංගතය විසින් අවුරා තිබුණි.

අසල්වැසි ඉන්දියාවේද තත්ත්වය එසේම වූ අතර, ඉන්දියානුවන් කොවිඩ්-19 වෛරසය ආකාරයේ අනුරුවක් සාදා එය ගිනි තබා මෙවර නව අවුරුදු උදාව සැමරූ ආකාරයක්ද විදෙස් වාර්තාවල දැකිය හැකි විය.

මෙහි දැක්වෙන්නේ ලොව පුරා නව අවුරුදු සැමරුණු ආකාරය විදෙස් මාධ්‍ය කැමරා කාචයන්ගේ සටහන් වූ ආකාරයයි.