කොවිඩ්-19 හි නව ප්‍රභේදය නෝර්වේහිදී අනාවරණය වේ
කොවිඩ් -19 වෛරසයේ නව ප්‍රභේදය එංගලන්තයේදී ප්‍රථම වරට හඳුනාගෙන තිබූ අතර, එය නෝර්වේ රාජ්‍යයේ පුද්ගලයින් දෙදෙනෙකුට ආසාදනය වී ඇති බව අනාවරණය වූයේ යැයි නෝර්වීජියානු මහජන සෞඛ්‍ය දෙපාර්තමේන්තුව වාර්තා කළේය.
පුවත්පත් නිවේදනයක් නිකුත් කරමින් ආයතනය ප්‍රකාශ කළේ දෙසැම්බර් මාසයේදී එක්සත් රාජධානියේ සිට සංචාරය කළ පුද්ගලයින් දෙදෙනෙකු තුළ මෙම ප්‍රභේදය අනාවරණය වී ඇති බවය.
තවදුරටත් ව්‍යාප්ත වීමේ අවදානම අවම කිරීම සඳහා අතිරේක පරීක්ෂණ සහ සමීප සම්බන්ධතා පසු විපරම් කිරීම සිදුකරන බව එම දෙපාර්තමේන්තුවේ අධ්‍යක්ෂ ලයින් වෝල්ඩ් පැවසීය.
වසංගතයට එරෙහිව සටන් කිරීම සඳහා වන සාමාන්‍ය ක්‍රියාමාර්ග, එනම් අසනීප නම් නිවසේ රැඳී සිටීම, පරීක්ෂා කිරීම, සමාජ දුරස්ථ කිරීම, නිරෝධායන පියවර සහ සීමිත රැස්වීම් වැනි දේ මෙම ප්‍රභේදය පාලනය කිරීම සඳහා වැදගත් වන බව වෝල්ඩ් වැඩිදුරටත් පැවසුවාය.
සෙනසුරාදා, අසල්වැසි ස්වීඩනයේ ස්ටොක්හෝම් නගරයට ආසන්නයේ පිහිටි සර්ම්ලන්ඩ් ප්‍රදේශයෙන් මෙම නව ප්‍රභේදය හඳුනාගෙන තිබුණි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
