කොවිඩ්-19 වසංගත තත්ත්වයක් නොවීමට සූදානම් වන්න - WHO

කොවිඩ්-19 හෙවත් නව කොරෝනා වෛරසය ව්‍යාප්ත වීම වසංගත තත්ත්වයක් බවට පත්වීම වැළැක්වීම සඳහා සූදානම් වන ලෙස ලෝක සෞඛ්‍ය සංවිධානයේ ප්‍රධානියා ඉල්ලා සිටියේය.

ලෝක සෞඛ්‍ය සංවිධානයේ අධ්‍යක්ෂ ජනරාල් ආචාර්ය ටෙඩ්‍රොස් අද්නාම් ගෙබ්‍රයිසස් ජිනීවා හිදී පැවති ප්‍රවෘත්ති සාකච්ඡාවේදී පැවසුවේ, "වසංගතයක් සඳහා සූදානම් වීම සඳහා අපට හැකි සෑම දෙයක්ම කරන අතරම, එය පාලනය කිරීම කෙරෙහි අප අවධානය යොමු කළ යුතු" බවයි.

කෙසේ වෙතත් ලෝක සෞඛ්‍ය සංවිධානය එය වසංගතයක් ලෙස තවමත් නොසලකන අතර, වෛරසය අඛණ්ඩව ගෝලීයව පැතිරීම තවමත් නොදකින බව වෛද්‍ය ගෙබ්‍රෙයිසස් පැවසීය.

"මෙම වෛරසයට වසංගත විභවයක් තිබෙනවාද? නියත වශයෙන්ම එය තවමත් තිබෙනවාද? අපගේ තක්සේරුව අනුව, තවම නැහැ" යැයි ඔහු වැඩිදුරටත් කියා සිටියේය.