කිවි පන්දු යවන්නන්ගේ සිංහ පන්දු යවන්නන්ට දැඩි ප්‍රහාරයක්

සංචාරක ශ්‍රී ලංකා කණ්ඩායම හා සත්කාරක නවසීලන්ත කණ්ඩායම අතර පැවැත්වෙන එකම විස්සයි20 තරගයේ මුලින්ම පන්දුවට පහරදුන් නවසීලන්ත කණ්ඩායම නියමිත පන්දුවාර 20 තුළදි ලකුණු 179/7  ක් රැස්කිරීමට සමත්විය.

කාසියේ වාසිය දිනාගත් ශ්‍රී ලංකා කණ්ඩායමේ ඇරයුමෙන් මුලින්ම  පන්දුවට පහරදුන් නවසීන් ඉනිමේ මු් කඩුලු පහ ලකුණු 55ක් තුළදී දවා ගැනීමට කසුන් රාජිත, ලසිත් මාලිංග ප්‍රමඛ ශ්‍රී ලංකා පන්දු යවන්නෝ සමත්වූහ.

කෙසේ වෙතත් රොස් ටේලර් ලකුණු 33ක් රැස්කරමින් නවසීලන්ත ඉනිම ගොඩ නැංවූ අතර නවසලීන්ත පන්දු යවන්නන් වන ඩග් බ්‍රේස්වෙල් (44 (පන්දු 26)), එස්.සී. කුග්ගෙල්ජින් (35 (පන්දු15)) නවසීලන්ත ඉනිම ගොඩනැංවූහ. ඔවුහු අවසන් පන්දුවාර 5.1ට ලකුණු 77ක් රැස්කිරීමට සමත්වූහ.