කේරළ ගංජා සමඟ පුද්ගලයෙකු නාවික හමුදා අත්අඩංගුවට

නාවික හමුදාව සහ පොලිස් විශේෂ කාර්ය බලකාය එක්ව  යාපනය, අන්ජි සන්දි ප්‍රදේශයේදී කේරළ ගංජා කිලෝග්‍රෑම් 04.232 ක් සමඟ පුද්ගලයෙකු  අත්අඩංගුවට ගෙන ඇත.

උතුරු නාවික විධානය සහ යාපනය, පොලිස් විශේෂ කාර්ය බලකාය එක්ව යාපනය, අන්ජි සන්දි ප්‍රදේශයේ සිදු කළ සෝදිසි කිරීමකදී මාර්ගයේ ගමන් කරමින් තිබු සැක කටයුතු යතුරු පැදියක් නිරික්‍ෂණය කර ඇති අතර, එම යතුරු පැදිය පරික්‍ෂාවට ලක් කිරීමේදී යතුරු පැදියෙන් ගමන් කරමින් සිටි පුද්ගලයා ළඟ තිබි මෙම කේරළ ගංජා සොයා ගැනීමට සමත්ව ඇත.

එහිදී මෙම සැකකරු අත්අඩංගුවට ගෙන ඇත. මෙම කේරළ ගංජා විකිණිම සඳහා ප්‍රවාහනය කරමින් තිබියදී මෙලෙස අත්අඩංගුවට ගෙන ඇත.

සැකකරු වයස අවුරුදු  33ක් වන යාපනය ප්‍රදේශයේ පදිංචිකරුවෙකු බව හඳුනාගෙන ඇති අතර, එම සැකකරු, යතුරු පැදිය සහ කේරළ ගංජා ඉදිරි විමර්ශන කටයුතු සඳහා යාපනය, පොලීසිය වෙත භාර දීමට කටයුතු කරන ලදී.