කොරෝනා ආසාදිතයෙකු රාගම රෝහලින් පැන යයි?

රාගම රෝහලේ ඩෙංගු හා කොරෝනා වාට්ටුවේ ප්‍රතිකාර ලබමින් සිටි කොරෝනා ආසාදිතයකු අද  07 දා උදෑසන රෝහලෙන් පැන ගොස් ඇතැයි පොලිස් ආරංචි මාර්ග පවසයි.

නුවර පාර පැලියගොඩ 307 වත්තේ පදිංචිකරුවකු වන පනස් නව හැවිරිදි අදාල පුද්ගලයා ඉකුත් 06 දා උණ රෝගය හේතුවෙන් රාගම රෝහලේ 16 වාට්ටුවට ඇතුළත් කර ඇත.

ඔහුගේ PCR පරීක්ෂණ එදින රාත්‍රියේ සිදු කර ඇති අතර එහි වාර්තාවේ සඳහන් වී ඇත්තේ ඔහු කොරෝනා ආසාදිතයකු බවයි.

අදාළ වාර්තාව රෝහලට අද  උදෑසන ලැබී තිබේ. ඒ වනවිට එම පුද්ගලයා රෝහලෙන් පැනගොස් සිට ඇත.

පොලිස් ආරංචි මාර්ගවලින් පැවසුනේ පැන ගිය පුද්ගලයා හෙරොයින් පානයට ඇබ්බැහි වුවකු බවයි.

එසේම එම පුද්ගලයා බ්‍රැන්ඩික්ස් කොරෝනා පොකුරට අයත් අයකු බව තහවුරු වී නොමැති බවද පොලිස් ආරංචි මාර්ග වලින් පවසයි.

ප්‍රසංග පෙරේරා