ක්‍රීඩකයන්ගෙන් මදිකමක් පේනවා - මුරලි

ශ්‍රී ලංකා ක්‍රිකට් කණ්ඩායම වර්තමානයේ පවතින තත්ත්වය පිළිබඳව තමන් සෑහීමකට පත් නොවන බව ශ්‍රී ලංකා හිටපු සුපිරි දඟ පන්දු යවන ක්‍රීඩක මුත්තයියා මුරලිදරන් සඳහන් කරයි.

“අපිට සුදුසුකම් ලැබීමේ තරගාවලියකට ක්‍රීඩා කරන්න වෙනවා ලෝක කුසලානයකට ක්‍රීඩා කරන්න නම්. මේ තත්ත්වයට පිළිතුරු හොයන්න ඕන.

අපි සුදුසු අය දාලා තියෙනවානේ. ඒ අය විසඳුමුත් හොයන්න ඕන. මේක ඇවිල්ලා පරිපාලනයට විතරක් දොස් කියන්න බෑ. ක්‍රීඩකයන්ගෙන් මදිකමක් තිබෙනවා.” යැයි ඔහු සඳහන් කළේය.

ගුණජය සතුට පදනම මගින් හැටන් කලාප අධ්‍යාපන කාර්යාලය යටතේ පාලනය වන පාසල් 22 කට අයත් සිසු සිසුවියන් 850 දෙනෙකුට 2019 නව පාසල් වාරය  වෙනුවෙන්  රු 2300 ක් වටිනා පොත් බැග් කට්ටලයක් ඊයේ (05දා) ලබාදීමේ අවස්ථාවට එක්වෙමින් ඔහු මේ මේ බව පැවැසීය.

එසේම තමන් ජනතාවට සේවය කිරීමට දේශපානය අවශ්‍ය නොමැති බවත්  ඔහු සඳහන් කළේය.

හැටන් රංජිත් රාජපක්ෂ