කාත්තාන්කුඩි රෝහලේ සිටි කොරෝනා රෝගින් 55දෙනෙකු සුවය ලබා පිටව යති

මඩකලපුව  දිස්ත්‍රික්කයේ කාත්තාන්කුඩි  මුලික රෝහලේ ප්‍රතිකාර ලබමින් සිටි කොරෝනා  රෝගයෙන් සම්පුර්ණ සුවය ලැබූ 55 දෙනෙකු  අද (10)   ඔවුන්ගේ පදිංචි ස්ථානවලට පිටත්කර යවන ලදී.

ඔවුන් පිටත්කර යෙවීම අද  උදේ  කාත්තාන්කුඩි  මුලික රෝහල් පරිශ්‍රයේදී  පැවැත්වුණි.

එම අවස්ථාවේදී  කාත්තාන්කුඩි නගර සභාවේ  නගරාධිපති  එස් එච් අස්ෆර්  මහතාගේ  සංවිධානයෙන්  ඔවුන් සදහා  පලතුරු හා  කෑම වර්ග  වතුර බෝතල්  ලබා දුන් අතර දරුවන් සදහා  තෑගී පිරිනමන ලදී.

මෙම අවස්ථාවට  කාත්තාන්කුඩි මුලික රෝහලේ  වෛද්‍ය අධිකාරි  එම් එස්  ජාබීර්  මඩකලපුව් කල්ලඩි  231 වන බලකායේ  බ්‍රිගේඩියර්යර් පල්ලෙකුඹුර හා අණදෙන නිලධාරි  මේජර් එහෙලපොළ   කාත්තාන්කුඩි  නගර සභාවේ නගරාධිපති එස් එච් අස්ෆර්  ඈතුලු හමුදා උසස් නිලධාරින්  සහභාගි වුහ.

රෝහලේ පිවිසුම් මාර්ගයේ  සිංහ ධජය එසවමින්  ඔවුන් පිටත් කර යවන ලදී.

හමුදාවේ සංවිධායෙන්  බස් දෙකකින්  ඔවුන් පිටත් කරන හරින ලදි.

කාත්තාන්කුඩි මුලික රෝහල කොරෝනා ප්‍රතිකාර කිරීමේ  මධ්‍යස්ථානයක්  ලෙස පරිවර්තනය කිරිමෙන් මෙතෙක් 62 දෙනෙකු ප්‍රතිකාර  ලබමින් සිටින ලදී.

ඔවුන්ගෙන් මුළුමනින්ම සුවය ලැබූ  55 දෙනෙකු   ඔවුන් පදිංචි ස්ථානවලට පිටත් කරවන ලදී.

මොවුන් කොළඹ බණ්ඩාරනායක පෙදෙස  හා බේරුවල  මතුගම  ජා ඇල  යනාදී  ප්‍රදේශවල  පදිංචිකරුවන්ය.

මඩකලපුව වාර්තාකරු ටි එල් ජ්ව්ෆර්කාන්