ඕස්ට්‍රේලියාවේ සිටි ලාංකිකයින් 50 දෙනෙකු රැගත් ගුවන් යානයක් දිවයිනට

ශ්‍රී ලංකාවට පැමිණීමට නොහැකිව ඕස්ට්‍රේලියාවේ රැදී සිටි ශ්‍රී ලාංකිකයන් 50 දෙනෙකු , සිඩ්නි නුවර ගුවන් තොටුපළේ සිට ශ්‍රී ලන්කන් ගුවන් සේවයේ විශේෂ ගුවන් යානයකින් අද (21) දින දහවල් කටුනායක ගුවන් තොටුපළ වෙත පැමිණ තිබේ .

මෙම ගුවන් මගීන් පිරිස අතර වැඩි පිරිසක් ඕස්ට්‍රේලියාවේ උසස් අධ්‍යාපනය ලබා ගැනීමට එරටට ගොස් සිටි සිසුන් බව වාර්තා වේ .

මොවුන් ඕස්ට්‍රේලියාවේ සිඩ්නි නුවර ගුවන් තොටුපළේ සිට පැමිණි ශ්‍රී ලන්කන් ගුවන් සේවයේ යූ.එල්.- 607 දරන විශේෂ ගුවන් යානයෙන් අද  දින දහවල් 1.20 ට කටුනායක ගුවන් තොටුපළ වෙත පැමිණ තිබුණි .

මෙම පිරිස කටුනායක ගුවන් තොටුපළ තුළ දී පී.සී.ආර්.පරීක්ෂණ වලට ලක් කෙරුණි .