ඔස්ට්‍රේලියානුවන්ගෙන් සියයට 60ක් ලොක්ඩවුන් තත්ත්වයක

මිලියන 7කට ආසන්න ජනතාවක් වාසය කරන ඔස්ට්‍රේලියාවේ වික්ටෝරියා ප්‍රාන්තය, අවසන් ලොක්ඩවුන් තත්ත්වයෙන් ඉවත් වී සති කිහිපයකට පසු එහි හයවැනි ලොක්ඩවුන් තත්ත්වයද අරඹා තිබේ.

දේශීයව වාර්තා වූ කොවිඩ්-19 ආසාදිතයන් 6දෙනෙකු අද (06දා) ප්‍රාන්තයෙන් සොයාගත් අතර, මෙල්බර්න් හි හදිසියේ මතුවූ සබඳතා නොමැති ආසාදනවලින් දිනකට පසුව මෙම තත්ත්වය වාර්තා කර ඇත.

ඔස්ට්‍රේලියාවේ විශාලතම නගර තුන වන සිඩ්නි, මෙල්බර්න් සහ බ්‍රිස්බේන් ඇතුළු නැගෙනහිර වෙරළ තීරයේ අගුලු දැමීම් බලාත්මක කර ඇති අතර, රටේ මිලියන 25ක ජනගහනයෙන් 60%කට වඩා වැඩි ප්‍රමාණයක් නිවසේ රැඳී සිටීමේ නියෝග යටතේ මේ වනවිට පසුවෙති.