ඔලිම්පික් පන්දම රැගෙන ගිය රැලියේ කොවිඩ් ආසාදිතයෙක්

ටෝකියෝ ඔලිම්පික් සංවිධායකයන් ඊයේ (22දා) කියා සිටියේ පසුගිය සතියේ ඔලිම්පික් පන්දම් රැගෙන ගිය රැලියේ සිටි පොලිස් නිලධාරියෙකු කොවිඩ්-19 සඳහා ධනාත්මක පරීක්ෂාවක් සිදුකර ඇති බවයි.

එය පසුගිය මාර්තු අග සිට ඔලිම්පික් පන්දම රැගෙන යන රැලිය හා සම්බන්ධ පළමු වැනි තහවුරු කළ ආසාදන සිද්ධිය බවද සංවිධායකයන් පැවසීය.

30 හැවිරිදි වියේ පසුවන පොලිස් නිලධාරියා අප්‍රේල් 17 වැනි දින නාඕෂිමා නගරයේ රථවාහන පාලනය සඳහා අනුයුක්ත කර සිට ඇත. ඔහු රෝග ලක්ෂණ වර්ධනය කර පසුදා ධනාත්මක බව පරීක්ෂා කර ඇත.

කෙසේ වෙතත් මෙම පොලිස් නිලධාරියා මුඛ ආවරණයක් සහිතව සිටි බවත්, ඔහු රැලියේ ධාවනයේ යෙදුණු ධාවකයන් සමග කිසිදු සම්බන්ධතාවක් පවත්වා නොමැති බවත් ප්‍රාදේශීය මාධ්‍ය පවසයි.