එන්නතේ ප්‍රතිලභ අවදානම ඉක්මවන බව යුරෝපා ඖෂධ ඒජන්සිය ප්‍රකාශ කර සිටියි
ඔක්ස්ෆර්ඩ්-ඇස්ට්‍රාසෙනෙකා හි කොවිඩ්-19 මර්දන එන්නතෙහි ප්‍රතිලාභ හා වාසි අඛණ්ඩවම එහි අවදානම ඉක්මවා යන බව යුරෝපා ඖෂධ ඒජන්සිය ඊයේ (16දා) ප්‍රකාශ කළේය.
යුරෝපා ඖෂධ ඒජන්සියේ විධායක අධ්‍යක්ෂ එමර් කුක් කියා සිටියේ ඒජන්සිය විසින් ඇස්ට්‍රාසෙනෙකා එන්නත ලබාදීමෙන් ඇතිවූයේ යැයි කියන සංකූලතා සිද්ධීන් එකින් එක ඇගයීමට ලක් කරමින් සිටින අතර, ඒ පිළිබඳ වැඩිදුර සමාලෝචනය බ්‍රහස්පතින්දා අවසන් කිරීමට අපේක්ෂා කරන බවයි.
මේ අතර ලෝක සෞඛ්‍ය සංවිධානයේ ප්‍රධානියාද පසුගිය සඳුදා කියා සිටියේ එන්නත ලබාගත් අයගේ රුධිර කැටිගැසීම් සිද්ධීන් එන්නත හා සම්බන්ධයක් නොමැති බවයි.
"මෙම සිදුවීම් කොවිඩ්-19 මර්දන එන්නත සමග සම්බන්ධ වී ඇති බවක් මෙයින් අදහස් කෙරෙන්නේ නැහැ. නමුත් ඒවා විමර්ශනය කිරීම සාමාන්‍ය සිරිතක්. එමගින් පෙන්නුම් කරන්නේ නිරීක්ෂණ පද්ධතිය ක්‍රියාත්මක වන බව හා ඵලදායී පාලනයන් ක්‍රියාත්මක වන බවයි" ලෝක සෞඛ්‍ය සංවිධානයේ අධ්‍යක්ෂ ජනරාල්වරයා පැවසීය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
