උඩරට දුම්රිය ගමනාගමනය ඇණහිටියි

කොළඹ කොටුව සිට බදුල්ල දක්වා ධාවනය වු විශේෂ දුම්රියක් ඉහළ වටවල සහ රොසැල්ල දුම්රිය ස්ථාන දෙක අතර පිලි පැනිම හේතුවෙන් උඩරට දුම්රිය ගමනාගමනයට  බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

අද  පස්වරු 2ට  පමණ එම දුම්රියේ එන්ජිම පිලි පැන ඇති බවයි පාලක මැදිරිය කියා සිටියේ.

පිලි පැනිම හේතුවෙන් බදුල්ලේ සිට කොළඹ දක්වා ධාවනය වු පොඩි මැණිකේ දුම්රිය රොසැල්ල දුම්රිය ස්ථානයේත්, විශේෂ දුම්රිය හැටන් දුම්රිය ස්ථානයේත්, කොළඹ කොටුවේ සිට බදුල්ල දක්වා ධාවනය වු විශේෂ දුම්රියක් වටවල දුම්රිය ස්ථානයේත්  නතර කර ඇත. එසේම පිලි පැන ඇති දුම්රිය  පිලිගත කිරිමේ කටයුතු කඩිනමින් ආරම්භ කරන බවයි  නාවලපිටිය දුම්රිය පාලක මැදිරිය වැඩිදුරටත් කියා සිටියේ.