ඉන්දියාව යළිත් ආසාදිතයන් 115,000 ඉක්මවූ වාර්තාවක

ඉන්දියාව විසින් බදාදා දිනයේදී වාර්තාගත නව දෛනික ආසාදිත අගයක් කරා පැමිණෙමින්, කොවිඩ්-19 ආසාදිතයන් 115,736ක් වාර්තා කර ඇති අතර, මේ සමග එරට සමස්ත ආසාදිත අගය මිලියන 12.8ක් ඉක්මවා ඇති බව සෞඛ්‍ය අමාත්‍යාංශයේ දත්ත පෙන්වා දෙයි.

එමෙන්ම එදින ඉන්දියාවේ තවත් කොවිඩ්-19 මරණ 630ක් වාර්තා වෙමින් සමස්ත මරණ සංඛ්‍යාව 166,177ක් දක්වා ඉහළ ගොස් ඇත.

මෙය සතියක් ඇතුළත ඉන්දියාවේ නව කොවිඩ්-19 ආසාදිතයන් 100,000කට වඩා වාර්තා වී ඇති දෙවැනි අවස්ථාව වන අතර, පසුගිය සඳුදා ආසාදිතයන් 103,558ක් වාර්තා විය.

එරට තුළ ඉහළ යන ආසාදන සමග ඉන්දීය අගනුවර වන නවදිල්ලිය අප්‍රේල් 30දා දක්වා රාත්‍රී ඇඳිරි නීතිය ප්‍රකාශයට පත් කළේය.