ඉන්දියාවේ කොවිඩ් රෝගීන් පීඩා විඳින නවතම අවදානම

ඉන්දියාවේ කොවිඩ්-19 රෝගීන් තුළ වැඩි වශයෙන් අනාවරණය වන දුර්ලභ හා මාරාන්තික ආසාදනයක් වන කළු දිලීරයට ප්‍රතිකාර කිරීම සඳහා භාවිතා කරන ඖෂධයක හිඟයකට ඉන්දියානු ප්‍රාන්ත කිහිපයක් මුහුණ දී සිටින බව එරට සෞඛ්‍ය බලධාරීන් අනතුරු අඟවයි.

වසංගතයට පෙර වෛද්‍යවරුන් විසින් මියුකෝර්මයිකෝසිස් ලෙස හැඳින්වෙන මෙම ආසාදනය කොරෝනා වෛරස රෝගීන් සහ මෑතකදී සුවය ලැබූ අය තුළ වේගයෙන් වර්ධනය වන බව අනාවරණය කරන ලදී.

එය තෙත් පරිසරවල බහුලව ඇති වන අතර, විශේෂයෙන් කොවිඩ්-19 ආසාදනය වීමෙන් අවදානමට පත් ප්‍රතිශක්තීකරණ පද්ධතියක් සහිත අයගේ ශ්වසන පද්ධතියට පහරදීමක් සිදුවන බව කියයි.

මුම්බායි කලාපය ඇතුළු බටහිර මහාරාෂ්ට්‍ර ප්‍රාන්තයේ මෙම රෝගී තත්ත්වයෙන් අවම වශයෙන් පුද්ගලයින් 90 දෙනෙකු මියගොස් ඇති අතර, අවම වශයෙන් පුද්ගලයින් 800ක් පමණ මේ වනවිට ආසාදනයෙන් රෝහල් ගත කර ඇති බවද කියයි.

මේ දක්වා මෙම කළු දිලීරය සහිත රෝගීන් 2,000ක් පමණ වාර්තා වී ඇති බව ප්‍රාදේශීය සෞඛ්‍ය නිලධාරීහු පවසති.