ඉන්දුනීසියා වෛද්‍යවරු අතර කොවිඩ් මරණවල වැඩිවීමක්

ඩෙල්ටා ප්‍රභේදය ඉන්දුනීසියාවේ ඉහළ ව්‍යාප්තියක් වාර්තා වීමත් සමග, කොවිඩ් -19 ආසාදනය වූ වෛද්‍යවරුන්ගේ මරණ ජූලි මස මුල් භාගයේදී තියුණු ලෙස ඉහළ ගොස් ඇති බව එරට වෛද්‍ය වෘත්තිය සංගමය පවසයි.

ජූලි 1දා සිට 17දා අතර කාලය තුළ වෛද්‍යවරුන් 114 දෙනෙකු මිය ගියහ. වසංගතයේ ආරම්භයේ සිට මේ දක්වා කොවිඩ්-19 රෝගයෙන් මියගිය මුළු වෛද්‍යවරුන් 545 දෙනාගෙන් එය 20%කට වඩා වැඩි සංඛ්‍යාවක් වන අතර, සමාන කාලයකින් වාර්තා වූ ඉහළම මරණ සංඛ්‍යාවද බව ඉන්දුනීසියාවේ වෛද්‍යවරුන්ගේ සංගමයෙහි ජ්‍යෙෂ්ඨ නිලධාරියෙකු වන මහේසා ​​පරණදිපා පැවසීය.

"ක්‍රියාකාරී බිඳවැටීමක විභවය ගැන අපි කනස්සල්ලට පත්ව සිටිනවා" හෙතෙම පැවසීය "මෙය වාර්තා කරන ලද දත්ත, තවමත් අපට වාර්තා නොවූ දත්ත නොවෙයි."

වඩාත් දරුණු ඩෙල්ටා ප්‍රභේදය ව්‍යාප්ත වීමෙන් ඉන්දුනීසියාව මෑත දිනවලදී ලෝකයේ ඕනෑම රටකට වඩා නව කොරෝනා වෛරස් ආසාදිතයන් වාර්තා කර ඇති අතර, මරණ අනුපාතයෙන් බ්‍රසීලයට පමණක් දෙවැනි වෙයි.