ඉඩම් විශේෂ විධිවිධාන පනත ඉල්ලා අස්කර ගනියි

රජයේ ඉඩම් විශේෂ විධිවිධාන පනත් කෙටුම්පත ඉල්ලා අස්කර ගන්නා බව සභානායක ලක්ෂ්මන් කිරිඇල්ල මහතා පාර්ලිමේන්තුවේදී අද (20දා) පැවසීය.

ඒ අනුව එම පනත් කෙටුම්පත ඉල්ලා අස්කර ගැනීමට සභාවේ එකඟතාවය ලැබුණි.

විපක්ෂයේ මන්ත්‍රිවරුන්  අධිකරණය හමුවට යාම හේතුවෙන් මෙම පනත් කෙටුම්පත සම්බන්ධව නෛතික ගැටලු පැන නැගී තිබෙන බැවින් මෙම තීරණය ගත් බවද සභානායකවරයා සඳහන් කළේය.

ඉඩම් ඔප්පු නැති ජනතාව ලක්ෂ 25කට ඔප්පු ලබාදීම සඳහා මෙම පනත මගින් ආණ්ඩු පක්ෂය සැලසුම් කර තිබුණද විපක්ෂය අධිකරණයට ගොස් එම අවස්ථාව අහිමි කළ බවද ඒ මහතා ප්‍රකාශ කළේය.