ඇස්ට්‍රාසෙනෙකා කොවිඩ් නව ප්‍රභේදයටත් සාර්ථකලු

ඔක්ස්ෆර්ඩ් - ඇස්ට්‍රාසෙනෙකා එන්නත සංවර්ධනය කළ පර්යේෂකයන් පවසන්නේ එය පරීක්ෂා කරන ලද මුල් කොරෝනා වෛරස ප්‍රභේදයට සාපේක්ෂව, එක්සත් රාජධානියේ පැතිර ගිය වත්මන් ප්‍රභේදයන්ටද සමාන කාර්යක්ෂමතාවක් පෙන්වන බවයි.

ඔක්ස්ෆර්ඩ් එන්නත අත්හදා බැලීමේ ප්‍රධාන විමර්ශකයෙකු වන මහාචාර්ය ඇන්ඩෘ පොලාර්ඩ් පැවසුවේ, නව දත්ත මගින් එන්නත මුල් වසංගත වෛරසයෙන් ආරක්ෂා වනවා පමණක් නොව, නව ප්‍රභේදයක් වන B.1.1.7 වලින් ආරක්ෂා වන බවද තහවුරු වී ඇති බවයි.

දෙසැම්බර් මස මුලදී එක්සත් රාජධානියෙන් සොයාගත් එම නව ප්‍රභේදය කොවිඩ්-19 ආසාදන වාර්තාගත ඉහළ යෑමකට හේතු වූ අතර, එය රට පුරා අගුලු දැමීමට පෙර 2021 ආරම්භය දක්වා අඛණ්ඩව ආසාදන ඉහළ නැගීමට හේතු විය.