ඇමෙරිකාවේ ප්‍රාන්ත එකක් හැර සියල්ලේම කොරෝනා

ඇමෙරිකා එක්සත් ජනපදයේ බටහිර වර්ජිනියා ප්‍රාන්තයේ හැරුණු විට එරට ප්‍රාන්ත 49ක මේ වනවිට නව කොරෝනා (කොවිඩ්-19) වෛරසය ආසාදනය වූවන් වාර්තා වී තිබේ.

එක්සත් ජනපදයේ මේ වනවිට වෛරස් රෝගීන් 2,204ක් සහ මරණ 49ක් වාර්තා වී ඇති බව රාජ්‍ය හා ප්‍රාදේශීය සෞඛ්‍ය ආයතන සහ රෝග පාලන හා වැළැක්වීමේ මධ්‍යස්ථාන පවසයි.

චීනයේ ප්‍රධාන භූමියෙන් සහ ජපානයේ ඩයමන්ඩ් ප්‍රින්සස් නෞකාවෙන් ඉවත් කළ රෝගීන් 70 ක් නැවත එක්සත් ජනපදයට ගෙන්වා ගත් පුරවැසියන් ය.

එක්සත් ජනපදයේදී රෝගීන් 2,134ක් හඳුනාගෙන පරීක්ෂාවට ලක්කිරීමෙන් පසුව ආසාදිතයන් බව හඳුනාගෙන ඇත.

මහජන සෞඛ්‍ය පරීක්ෂණාගාරවල ධනාත්මක බව පරීක්‍ෂා කර ඇති සහ සීඩීසී විද්‍යාගාරයෙන් අවසන් තහවුරු කිරීමක් අපේක්‍ෂා කරන උපකල්පිත ධනාත්මක සිද්ධීන් මෙයට ඇතුළත් ය.