ඇමෙරිකානු කොවිඩ් මරණ 220,000 සීමාව පසුකර යයි

එක්සත් ජනපදයේ අවම වශයෙන් කොවිඩ්-19 වෛරසය ආසාදිතයන් 8,208,831ක් වාර්තා වී ඇති අතර, අවම වශයෙන් පුද්ගලයන් 220,088ක් වෛරසයෙන් මියගොස් ඇති බව ජෝන්ස් හොප්කින්ස් විශ්ව විද්‍යාලයේ දත්ත පෙන්වා දෙයි.

සඳුදා දිනයේ ජෝන්ස් හොප්කින්ස් දත්ත විසින් එක්සත් ජනපදයේ නව ආසාදිතයන් 51,931ක් වාර්තා කර ඇති අතර, මරණ 405ක් වාර්තා කර තිබේ.

මෙම දත්තවලට එක්සත් ජනපදයේ ප්‍රාන්ත 50න්ම, කොලොම්බියා දිස්ත්‍රික්කයේ සහ අනෙකුත් එක්සත් ජනපද බලප්‍රදේශවල ආසාදන හා මරණ මෙන්ම නැවත එරටට විදේශයන්ගේ සිට ආසාදිතව පැමිණි පිරිස්ද ඇතුළත් බව ජෝන්ස් හොප්කින්ස් විශ්වවිද්‍යාලය වැඩිදුරටත් පවසයි.