ආබාධ සහිත පුද්ගලයින්ට ගෝඨාගෙන් පොරොන්දුවක්
ආබාධ සහිත පුද්ගලයින්ට බේල් ක‍්‍රමයට ඡන්දය භාවිත කිරීමේ අවස්ථාව තම රජයක් යටතේ ලබාදෙන බව ශ්රී ලංකා පොදුජන පෙරමුණේ ජනපති අපේක්ෂක ගෝඨාභය රාජපක්ෂ මහතා පවසයි.
ශී‍්‍ර ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාට සහාය පළ කිරීමට, ශ්රී ලංකා සහකම්පන සංවිධානය සහ ආබාධ සහිත පුද්ගල සංවිධාන ඒකාබද්ධ පෙරමුණ එකඟ වි තිබේ.
ඊට අදාළ ගිවිසුම් අත්සන් තැබිම අද (06) උදේ මිරිහානේ පිහිටි ගෝඨාභය රාජපක්ෂ මහතාගේ කාර්යාලයේදී සිදු කෙරුණු අතර ශී‍්‍ර ලංකා පොදුජන පෙරමුණ වෙනුවෙන් පක්ෂයේ ලේකම් සාගර කාරියවසම් මහතා, ආබාධ සහිත පුද්ගල සංවිධාන ඒකාබද්ධ පෙරමුණ වෙනුවෙන් එහි සභාපති රසාංජලී පතිරගේ මෙනවිය, ශී‍්‍ර ලංකා පොදුජන පෙරමුණ සහ කම්පන සංවිධානය වෙනුවෙන් එහි සභාපති සුසන්ත වික‍්‍රමසිංහ මහතා මෙම අවබෝධතා ගිවිසුමට අත්සන් තැබීය.
ආබාධය බාධාවක් නොවන සමාජයක් නිර්මාණය කිරීම සම්බන්ධයෙන් ගෝඨාභය රාජපක්ෂ මහතා ආරක්ෂක ලේකම් සමයේ කල මෙහෙවර අගයමින් සහ ආබාධ සහිත පුද්ගලයින්ගේ අයිතිවාසිකම් වෙනුවෙන් නිරන්තරයෙන් පෙනී සිටීම හේතුවෙන් මෙම සංවිධාන ගෝඨාභය රාජපක්ෂ මහතාට සහාය පළ කිරීමට තීරණය කර ඇත.
මෙහිදී බ්‍රේල් ක‍්‍රමයට හා පටිගත ක‍්‍රමයට සකසන ලද ශී‍්‍ර ලංකා පොදුජන පෙරමුණේ ප‍්‍රතිපත්ති ප‍්‍රකාශය ද ගෝඨාභය රාජපක්ෂ මහතා විසින් එම සංවිධානවලට පිළිගැන්විය.
2007 වසරේ අත්සන් තබන ලද ආබාධිත පුද්ගලයින් සම්බන්ධයෙන් වූ එක්සත් ජාතින්ගේ ප‍්‍රඥප්තිය නීතිගත කර ආබාධ සහිත පුද්ගලයින්ගේ අයිතිවාසිකම් ආරක්ෂා කිරිමට පියවර ගන්නා බවද මෙහිදී අදහස් දැක්වූ ගෝඨාභය රාජපක්ෂ මහතා පැවසිය.
පදික වේදිකා නිර්මාණය කිරීමේදී ආබාධ සහිත පුද්ගලයින්ගේ ආරක්ෂාව සහතික වන අයුරින් නිර්මාණය කිරීමටත්, ඒ සඳහා වූ විශේෂිත ගඩොල් වර්ගය ලංකාවට හඳුන්වා දිමත්, ආබාධිත පුද්ගලයින් සඳහා උචිත අයුරින් පොදු වැසිකිලි සැකසිමත්, පොදු ස්ථානවලට ප‍්‍රවේශ පහසුකම් ඇති කිරිමත් සිදුවූයේ තමා නාගරික සංවර්ධන ලේකම් ධූරයේ වගකිම් ඉටු කරන සමයේ බව රාජපක්ෂ මහතා සිහිපත් කළේය.
විශේෂයෙන් බේල් ක‍්‍රමයට ඡන්ද බලය භාවිතා කිරීමේ අයිතිවාසිකම ද ඉදිරියේදි හිමි කරදෙන බව ඒ මහතා එහිදී අවධාරණය කළේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
