VAT වැඩි කිරීම අත්හිටුවයි

එකතු කළ අගය මත පනවන බද්ද (VAT) වැඩි කිරීමටගත්  තීරණය අත්හිටුවීමට ශ්‍රේෂ්ඨාධිකරණය අතුරු තහනමන් නියෝගයක් නිකුත් කළ තිබේ.  

වැට් බදු හා ජාතිය ගොඩ නැගීමේ බදු  වැඩිකිරීමට එරෙහිව ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ, පූජ්‍ය බෙංගමුවේ නාලක හිමි ඇතුළු පාර්ශ්ව පහක් මූලික අයිතිවාසිකම් පෙත්සමක් පසුගියදා ගොනු කරනු ලැබීය.

අදාළ පෙත්සම අද (11දා) ශ්‍රේෂ්ඨාධිකරණය විසින් සළකා බලමින් මෙම අතුරු තහනම් නියෝගය නිකුත් කරනු ලැබීය. 

අගවිනිසුරු කේ. ශ්‍රී පවන්, විනිසුරුවරුන් වන බුවනෙක අලුවිහාරේ, ප්‍රසන්න ජයවර්ධන යන ත්‍රිපුද්ගල විනිසුරු මඩුල්ල හමුවේ මෙම පෙත්සම් විභාගයට ගැණින.

පෙත්සම විභාග කර අවසන් වන තෙක් වැට් බදු වැඩි කිරිම අත්හිටුවන ලෙසත්, වැට් බදු වැඩිකිරීම පාර්ලිමෙන්තුවේ සම්මත කර ක්‍රියාත්මක කළ යුතු බවත් ත්‍රිපුද්ගල විනිසුරු මඩුල්ල නියෝග කළේය.