GMOA මධ්‍යසාර එරෙහි සටනටත් එයි

අයවැය තුළින් මධ්‍යසාර සඳහා ලබාදීමට යෝජනා කර තිබෙන බදු සහන වහාම ඉවත් කරන ලෙස ජනාධිපති මෛත්‍රීපාල සිරිසේන මහතාගෙන් අද (24දා) ලිඛිතව ඉල්ලා සිටි බව රජයේ  වෛද්‍ය නිලධාරීන්ගේ සංගමය සදහන් කරයි.

කිහිප දෙනෙකුගේ උවමනාවට සංචාරක කර්මාන්තය ප්‍රවර්ධනය කිරීමට බව සඳහන් කරමින් මධ්‍යසාර සඳහා බදු සහන ලබාදීමට සැලසුම් කර තිබෙන බවද එම සංගමයේ ලේකම් වෛද්‍ය හරිත අලුත්ගේ මහතා සඳහන් කළේය.

මේ හරහා ජනාධිපති සංකල්පයක් වන මතින් තොර නිදහස් රටක් සංකල්පයත් උඩියටුකුරු වී යන බවද ඒ මහතා පවසා සිටියේය.

බදු සහන ලබාදිය යුත්තේ මධ්‍යසාරවලට නොව ජනතාව දෛනිකව භාවිත කරන අත්‍යාවශ්‍ය ආහාර ද්‍රව්‍යවලට බවද ලේකම්වරයා පවසා සිටියේය.