හිරුණිකා ඇතුළු 9ට අධිචෝදනා

දෙමටගොඩ ප්‍රදේශයේ තරුණයෙකු පැහැරගෙන යාමේ සිද්ධියකට අදාළව පාර්ලිමේන්තු මන්ත්‍රී හිරුණිකා ප්‍රේමචන්ද්‍ර මහත්මිය ඇතුළු 9 දෙනෙකුට කොළඹ මහාධිකරණය විසින් අද (21දා) අධිචෝදනා පත්‍ර බාර දෙනු ලැබිය.

පසුගිය වසරේදී මෙම සිදුවීම සිදුවූ අතර නඩුව නැවතත් ලබන වසරේ ජනවාරි මස 10 ද ාහා 11 දා විභාග කිරීමට නියමිතය. එතෙක් සැකකරුවන් ඇප මත නිදහස් කරනු ලැබීය.

නඩුව විභාගයට ගන්නා තෙක් එහි සාක්ෂි කරුවන්ට බලපෑම් නොකරන්නැයි විත්තිකරුවන්ට පැවැසූ මහාධිකරණ විනිසුරු පද්මිනි එන්. රණවක මහත්මිය එසේ සාක්ෂිකරුවන්ට බලෑම් කළ බවට තොරතුරු වාර්තා වුවහොත් නඩුව අවසන්වන තෙක් ඔවුන්ව බන්ධනාගාර ගත කරන බව පැවැසීය.

සැකකරුවන්ට විදෙස් ගමන් තහනමක්ද පැනවූ අතර නීතිපතිවරයා විසින් විත්තිකරුවන්ට චෝදනා 29ක් යටතේ නඩු පවරා තිබේ.