සුනිත්‍ය බලශක්ති ප්‍රදර්ශනය BMICH හිදී

ශ්‍රී ලංකා ඉදිකිරීම් කර්මාන්ත මණ්ඩලය විසින් සංවිධානය කරනු ලබන සුනිත්‍ය බලශක්ති ප්‍රදර්ශනය අද ( 28දා), 29, 30 යන තෙදින පුරා පෙරවරු 9.30 සිට රාත්‍රී 8.30 දක්වා බණ්ඩාරනායක අනුස්මරණ ජාත්‍යන්තර සම්මන්ත්‍රණශාලාවේ නුගසෙවන පරිශ්‍රයේදී පැවැත්වේ.

මෙහිදී සූර්ය පැනල පද්ධති, සූර්ය පැනල වීදි ආලෝක පද්ධති, LED විදුලි පද්ධති, විදුලි යතුරු පැදි, විදුලි ත්‍රිරෝද රථ, විදුලි ස්විච් පද්ධති ආදී බොහෝ දේ ප්‍රදර්ශනය කෙරෙන අතර පාරිභෝගික ප්‍රජාවගේ සියලු බලශක්ති අවශ්‍යතා සපුරා ගැනීමට හැකිවන පරිදි මෙය සංවිධානය කර තිබේ.

මෙම ප්‍රදර්ශනය සඳහා නොමිලේ සහභාගි විය හැකි අතරම, මෙහිදී සුවිශේෂි වට්ටම්, පහසු ගෙවීමේ ක්‍රම ආදිය යටතේ සූර්ය පැනලයක් ලබාගැනීමේ හැකියාව පවතින බව ඉදිකිරීම් කර්මාන්ත මණ්ඩලය දන්වා සිටියි.

ඡායාරූප ශමීර රාජපක්ෂ