සරසවි සිසුන් දෙදෙනෙක් 11තෙක් රිමාන්ඩ්

 අන්තර් විශ්වවිද්‍යාලයේ භික්ෂු සංවිධානය විසින් ඊයේ (29දා) විශ්වවිද්‍යාල ප්‍රතිපාදන කොමිෂන් සභාව ඉදිරිපිට සිදුකළ විරෝධතාවයේදී කොමිෂන් සභාවේ ප්‍රතිපාදනවලට හානිකිරීම හා පොලිස් නිලධාරීන්ට පහරදුන් බවට සැකකෙරෙන විශ්වවිද්‍යාල ශිෂ්‍යයන් දෙදෙනෙකු අද (30දා) අත්අඩංගුවට ගෙන තිබේ.

කුරුඳුවත්ත පොලීසියට ලැබී තිබූ පැමිණිල්ලකට අනුව මෙම අත්අඩංගුවට ගැනීම සිදුකර තිබෙන අතර, ඔවුන් දෙදෙනා කොළඹ ප්‍රධාන මහේස්ත්‍රාත් අධිකරණයට ඉදිරිපත්  කිරීමෙන් පසු මැයි 11 වන දින දක්වා රක්ෂිත බන්ධනාගාරගත කර ඇත.

සිද්ධිය සම්බන්ධයෙන් ස්වාමින් වහන්සේලා කිහිපදෙනෙකු හා ශිෂ්‍යයන් කිහිපදෙනෙකු අත්අඩංගුවට ගැනීමට කටයුතු කරමින් තිබෙන බව පොලීසිය සඳහන් කරයි.