සජිත්ගෙන් විමල්ට චෝදනාවක්

රාජ්‍ය ඉංජිනේරු සංස්ථාවට අයත් හොරණ ගල්පාත කාපට් වැඩබිමට අමුද්‍රව්‍ය මිලදී ගැනීමේදී පසුගිය රජය සමයේදී  රුපියල් ලක්ෂ 270ක පාඩුවක් සිදුවී තිබෙන බවත්,හිටපු අමාත්‍ය විමල් වීරවංශ මහතා මෙම මූල්‍ය වංචාවට වගකිවයුතු බවත් නිවාස හා ඉදිකිරීම් අමාත්‍ය සජිත් ප්‍රේමදාස මහතා අද(28දා) පැවසීය.

ඇණවුම සමග චෙක්පත ලබාදීම යන ක්‍රමවේදය යටතේ ජයලත් කන්ස්ට්‍රක්ෂන් සමාගමට රුපියල් ලක්ෂ 70කට වැඩිමුදලක් සහ රුවන් ට්‍රේඩ් සෙන්ටර් ආයතනයට රුපියල්  ලක්ෂ 198 වශයෙන් රුපියල් ලක්ෂ 270ක් ගෙවා ඇතැයි කී ඒ මහතා ඇණවුම සමග චෙක්පත ලබාදුන්නද සැපයුමක් සිදුකර නැතැයිද ඔහු ප්‍රකාශ කළේය.

2012 වසරේ දෙසැම්බර් ආරම්භ කළ මෙම වැඩපොළ 2013 වසරේ අගෝස්තු මාසයේ  සිට 2014 මාර්තු දක්වා මාස 08ක කාලයක් පවත්වාගෙන ගොස් තිබෙන බවත්,ඉන්පසුව විමල් වීරවංශ මහතාගේ ක්‍රියාකලාපය හේතුවෙන් එහි කටයුතු නතර කර තිබුණු බවත් ඇමතිවරයා සඳහන් කළේය.