සජිත් නිවාස ලක්ෂ 20 ක් සෑදීමට සැරසෙයි

රටේ නිවාස නොමැති පවුල් සංඛ්‍යාව ලක්ෂ 20කට ආසන්න බවත්, ඉදිරි වසර 05 තුළදී වසරින් වසර ඉලක්ක සහිතව මෙම පිරිසට නිවාස ලබාදීමට කටයුතු කරන බවද නිවාස හා ඉදිකිරීම් අමාත්‍ය සජිත් ප්‍රේමදාස මහතා සඳහන් කළේය.

දිවංගත ජනාධිපති රණසිංහ ප්‍රේමදාස මහතා ඇති කළ සංකල්පයන්වලට අනුව 2000 වසරේදී සැමට නිවසක් හිමි විය යුතු වුවත්, එම අරමුණ ඉෂ්ට කර ගැනීමට නොහැකි වූ බවත්, ජනාධිපති මෛත්‍රීපාල සිරිසේන මහතාගේ සහ අග්‍රාමාත්‍ය රනිල් වික්‍රමසිංහ මහතාගේ පූර්ණ සහයෝගය මත ඉදිරි වසර 05 තුළ සැමට නිවසක් ලබාදෙන බවත් ඒ මහතා පවසා සිටියේය. 

ඡායාරූප ඒෂාන් ප්‍රනාන්දු