විශාල හොරොයින් ජාවාරමක මුල පෑදේ

පාකිස්තානය ශ්‍රී ලංකාව හා මාලදිවයින අතර සිදුකෙරෙන හෙරොයින් ජාවාරමක මුල සෙයාගැනීමට පොලීසිය සමත්ව තිබේ. එම ජාවාරමට සම්බන්ධ මාලදිවයින් සැකකරුවන් දෙදෙනෙකු අත්අඩංගුවට ගැනිමෙන් පසුව මෙම ජාවාරමේ තොරතුරු හෙළිව තිබේ.

මාලදිවයින් ජාතිකයන් දෙදෙනෙකු සම්බන්ධ මෙම මත්ද්‍රව්‍ය ජාවාරම කොළඹ කේන්ද්‍ර කර ගනිමින් සිදුවෙන බවත්, සැකකරුවන් දෙහිවලදි අත්අඩංගුවට ගත් බවත් පොලිසිය කියයි.

සැකකරුවන් සන්තකයේ තිබී හෙරොයින් ග්‍රෑම් 385ක්ද අත්අඩංගුවට ගෙන තිබේ. පොලිස් මත්ද්‍රව්‍ය නාශක කාර්යාංශය විසින් මෙම අත්අඩංගුවට ගැනීම සිදුකර ඇත.