වනජීවී මෙහෙයුමෙන් අලියෙකු බේරයි

පොළොන්නරුව, කිතුල් උතුව ප්‍රදේශයේ වගා ළිඳකට වැටී සිටි වන අලියෙකු ඊයේ (14දා) සවස බේරාගත් බව මැදිරිගිරිය නව නගරය වනජීවී නිලධාරීහු පවසති. 

අඩි අටක් පමණ උසැති මෙම වන අලියා සෝමාවතිය රක්ෂිතයේ සිට බීමට ජලය  සොයා පැමිණි අවස්ථාවේදී මෙලෙස වගා ළිඳකට වැටි ඇතැයි වනජීවී නිලධාරීහු සඳහන් කරති. 

පැය පහකට අධික කාලයක් දැඩි පරිශ්‍රමයක් දරා වන අලියා බැකෝ යන්ත්‍ර ආධාරයෙන් ගොඩට ගෙන නැවත රක්ෂිතයට පළවා හැරීමට වනජීවී නිලධරීහු කටයුතු කළහ.