රිය අනතුරු 4කින් 4ක් මරුට

දිවයිනේ ස්ථාන හතරකදී ඊයේ (20දා) සිදුවූ අනතුරු හතරකින් පුද්ගලයන් සිවුදෙනෙකු මියගොස් තිබේ. වැල්ලවාය - තණමල්විල මාර්ගයේ, ගාල්ල වංගුව අසලදී කැබ් රඨයක් හා බස් රථයක් ගැටීමෙන් සිදුවූ අනතුරකින් කැබ් රථයේ රියදුරු ජීවිතක්‍ෂයට පත්ව ඇත.

බිබිල - මොනරාගල මාර්ගයේ මැදගමදී පදිකයෙකුගේ ඇඟේ වෑන් රථයක් ගැටීමෙන් එම පදිකයා ජීවිතක්‍ෂයට පත්ව තිබේ. තිස්සමහාරාමය - තණමල්විල මාර්ගයේ බෝගහවැව ප්‍රදේශයේදී බස් රථයක ගැටුණු පදිකයෙකු ජීවිතක්‍ෂයට පත්ව ඇත.

පුනරින් - යාපනය මාර්ගයේ පරමන්කිරායි ප්‍රදේශයේදී යතුරු පැදිකයක් යතුරු පැදිකරුට පාලනය කරගැනීමට නොහැකි වීමෙන් මාර්ගයෙන් ඉවතට විසිවීමෙන් සිදුවූ අනතුරකින් යතුරු පැදිකරු ජීවිතක්‍ෂයට පත්ව තිබේ.