රිය අනතුරක් සම්බන්ධයෙන් ජනපතිගේ සොහොයුරෙක් අත්අඩංගුවට

පොලොන්නරුව අතුමල්පිටිය ප්‍රදේශයේ සිදු වූ රිය අනතුරක් සම්බන්ධයෙන් ජනපති මෛත්‍රීපාල සිරිසේන මහතාගේ සොහොයුරෙක් අත්අඩංගුවට ගෙන තබේ. ඊයේ (09දා) පෙරවරුවේ මෙම අනතුර සිදුව තිබේ.

ණැනසිරි ප්‍රඥාරත්න සිරිසේන (ලාල් සිරිසේන) නම් සැකකරුවෙක් මෙසේ අත්අඩංගුවට පත්ව ඇත. ඔහු පැදවූ වාහනයේ ගැටී යතුරු පැදියක ගමන් ගත් දෙදෙනෙකු එම ස්ථානයේම මියගොස් තිබේ.

අනතුරින් පසුව සැකකරු පළා ගොස් ඇතත් පසුව ඔහු පොලීසියට බාර වී ඇත. සැකකරු හෙට (11දා) දක්වා රක්ෂිත  බන්ධනාගාර ගත කර තිබේ.