රණවිරුන් අමතකවීම ගැන රජය ලැජ්ජා විය යුතුයි- මහින්ද

රණවිරුවන් මේ තරම් ඉක්මනට අමතක වීම පිළිබඳව වත්මන් රජය ලැජ්ජා විය යුතු බව හිටපු ජනාධිපති මහින්ද රාජපක්ෂ මහතා පැවසීය.

ඒ මහතා මේ බව පැවසුවේ, විහාරමහාදේවි එළිමහන් රංග පීඨයේදී අද (18දා) පැවැති විශේෂ රණවිරු සැමරුම් වැඩසටහනට එක්වෙමිනි.

එහිදී හිටපු ජනාධිපතිවරයා සඳහන් කළේ, රණවිරුවන් සැමරීම කාගේවත් හිත රිදවීමක් නොවන බවයි.

රණවිරුවන්ගෙන් පළිනොගෙන රටේ ජයග්‍රහණ පාවා නොදී අවශ්‍ය නම් තමා හිරේ දමන්නැයි හෙතෙම පවසා සිටියේය.

හසලක ගාමිණී රණවිරුවාගේ මව විසින් මහින්ද රාජපක්ෂ මහතා මෙහිදී පිළිගන්නා ලදී.

පසුව මියගිය රණවිරුවන් සමරා පිරිස පහන් දැල්වූ අතර, හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විශාල පිරිසක් මෙම අවස්ථාවට එක්ව සිටියහ. 

ඡායාරූප ඒෂාන් ප්‍රනාන්දු