රටේ අනාගතය දූ දරුවන් - අගමැති

රටේ අනාගතය දූ දරුවන් බවත් රටට අවශ්‍ය රක පවුලක දරුවන් හොඳට ඉගෙනීමට නොව මුළු රටේම දරුවන්ට ඉගෙන ගැනීමට වාතාවරණයක් සැකසීම බව අග්‍රාමාත්‍ය රනිල් වික්‍රමසිංහ මහතා පවසයි.

අධ්‍යාපන පද්ධතිය රටේ දියුණුව වුවත් පසුගිය කාලයේදී අධ්‍යාපන පද්ධතිය දරුණු ලෙස බිඳ වැටීමට ලක්වූ බවද ඔහු සඳහන් කළේය.

සිය ෆේස් බුක් ගිණුමට අද (02දා) ප්‍රකාශයක එක්කරමින් ඔහු මෙම අදස් දැක්වීය. 

"අරලිය ගහ මැදුර බලන්නට දිනපතා බොහෝ දූ දරුවන් පැමිණෙනවා. බොහෝ දුෂ්කර පළාත්වලින් එන මේ දරුවන් විවිධ දුෂ්කරතා මැද අධ්‍යාපනය ඉදිරියට කරගෙන යෑම අපි හැමෝම අගය කළ යුතු දෙයක්. අධ්‍යාපන ඇමතිව සිටි කාලයේ සිට මට අවශ්‍ය වුනේ දැයේ දරුවන්ට උගන්වන්න පුළුවන් පරිසරයක් හදල දෙන්න.

අධ්‍යාපන පද්ධතියේ දියුණුව, රටේ දියුණුවයි. පසුගිය කාලේ අධ්‍යාපන පද්ධතියේ ඉතාමත් බරපතල වැටීමක් තිබුනා. පෙර තිබු ආණ්ඩුව පුහු අටෝපයට මුල් තැන දුන්නට දැයේ දරුවන්ගේ මනස දියුණූ කරන්න අමතක කළා. ලෝකයේ බොහෝ දේශපාලන නායකයන්, තම ජනතාව බුද්ධිමත් වනවාට බයයි. ඉතිහාසය පුරා මේ දේවල් ලියවිලා තිබෙනවා.